Japanshátíð í Veröld

Verið hjartanlega velkomin á hina árlegu Japanshátíð, laugardaginn 25. janúar milli kl 13:00 - 17:00 í Veröld - Húsi Vigdísar.

Hátíðin er skipulögð af nemendum og kennurum í japönsku máli og menningu við Háskóla Íslands í nánu samstarfi við sendiráð Japans á Íslandi auk annarra félagasamtaka. Hátíðin er haldin í tuttugasta og fyrsta sinn í ár og verður boðið upp á fjölbreytta dagskrá sem inniheldur meðal annars japanskar íþróttir á borð við Sumo, Karate og Akido. Auk þess boðið verður upp á kennslu í japanskri skrift, manga teikningu, Go - japanskri skák og origami. Á hátíðinni gefst einnig tækifæri til að kynnast starfi Háskólans og þeim fjölda samstaka og fyrirtækja sem styrkja menningarsamskipti þjóðanna tveggja.

Frítt er inn á hátíðina og hægt er að nálgast frekari upplýsingar á viðburðasíðu hátíðarinnar á Facebook.