Sjö fá nýdoktorastyrki við HÍ

Sjö nýútskrifaðir doktorar hafa hlotið styrki úr Nýdoktorasjóði Háskóla Íslands til þriggja ára. Doktorarnir koma til starfa við öll fimm fræðasvið skólans. 

Þetta er í fjórða sinn sem skólinn úthlutar styrkjum til nýdoktora í gegnum Nýdoktorasjóð, sem hét áður Nýliðunarsjóður, en eins og nafnið bendir er markmiðið með sjóðnum að efla nýliðun við skólann og veita ungum rannsakendum markvissan stuðning. 

Nýdoktorar eru afar mikilvægir öllu rannsóknastarfi við háskóla, ekki síst grunnrannsóknum, en nýdoktor (e. postdoc) er starfsheiti vísindamanns við rannsóknastofnun sem hefur nýlega lokið doktorsprófi en hefur ekki fengið fasta stöðu sem akademískur starfsmaður. 

Auglýst var eftir umsóknum um nýdoktorastyrki og bárust nærri 90 umsóknir að þessu sinni eins og sjá má í töflunni hér að neðan:

Mat og forgangsröðun umsókna og úthlutun styrkja var í höndum úthlutunarnefndar Nýdoktorasjóðs en hún tók mið af þeim kröfum sem fram komu í auglýsingu um styrkina.

„Verkefnin á bak við umsóknirnar voru afar fjölbreytt og fást við mikilvæg úrlausnarefni samtímans. Umsóknirnar voru margar afar sterkar og áhugaverðar og þvert á fræðavið og því erfitt að velja á milli þeirra,“ segir Guðbjörg Linda Rafnsdóttir, aðstoðarrektor vísinda og formaður vísindanefndar háskólaráðs. 

„Það vakti líka sérstaka athygli okkar að mörg verkefnin voru afar umfangsmikil og metnaðarfull og fólu m.a. í sér samhæfingu gagnasafna úr ólíkum áttum og flókna líkanasmíð. Umsóknirnar undirstrika vel vaxandi styrk íslensks vísindasamfélags,“ segir Sif Einarsdóttir, prófessor í náms- og starfsráðgjöf og formaður úthlutunarnefndar Nýdoktorasjóðs.

Þeir sjö fræðimenn sem hljóta nýdoktorastyrk að þessu sinni eru:

Háskóli Íslands óskar framangreindu fræðafólki innilega til hamingju með styrkina og velgengni í störfunum fram undan.