Ritgerðir og lokaverkefni - Deild kennslu- og menntunarfræða

Gert er ráð fyrir að nemendur hafi lokið 120 einingum áður en þeir hefja vinnu við lokaverkefni. Æskilegt er að nemendur hafi lokið námskeiði í aðferðafræði.

Alþjóðlegt nám í menntunarfræðum

Lokaverkefni til BA-prófs í alþjóðlegu námi í menntunarfræðum eru 10 einingar.

Uppeldis- og menntunarfræði

Lokaverkefni til BA-prófs í uppeldis- og menntunarfræði eru 14 einingar.

Á síðum deilda í Uglu — innri vef háskólans eru ítarlegri upplýsingar um lokaverkefni. Þar er einnig að finna krækjur í handbók, rafræn eyðublöð, verkáætlun, sniðmát, dagsetningar, skil og fleira.

M.Ed.-ritgerðir í Uppeldis- og menntunarfræðideild eru 30 einingar, MA-ritgerðir eru 40, 50 eða 60 einingar.

Að jafnaði tekur vinna lokaverkefnis í meistaranámi tvö misseri hið minnsta. 

Skil á meistaraverkefni í formi vísindagreinar

Nemendum í MS-, MA- og M.Ed.-námi við Menntavísindasvið er heimilt að skila meistaraverkefni (30–60 ECTS) sem handriti að vísindagrein ásamt kápu (greinargerð) að fengnu samþykki deildar. 

Hugmyndir að meistaraverkefnum

Viltu gera lokaverkefni um hegðunarvanda, þroskaraskanir eða heimspeki menntunar? Reglulega auglýsa starfsmenn Menntavísindasviðs eftir nemendum til að vinna ákveðin lokaverkefni. Sjá nánar í Uglu.

Á síðum deilda í Uglu — innri vef háskólans eru ítarlegri upplýsingar um lokaverkefni. Þar er einnig að finna reglur, eyðublöð og sniðmát, skiladaga, vinnuferli og margt fleira.

Nemandi sem hyggst útskrifast frá Háskóla Íslands skal skila inn eintaki af lokaverkefni sínu á rafrænu formi til kennsluskrifstofu Menntavísindasviðs (menntavisindasvid@hi.is) og í Skemmuna, sem er stafrænt gagnasafn lokaverkefna nemenda og rita kennara.

Skilafrestur verkefna

Vinsamlega athugið vel mikilvægar dagsetningar.

• Skil bakkalárverkefna
• Skil meistaraverkefna

Eldri verkefni

Lokaverkefni brautskráðra nemenda Háskóla Íslands er hægt að finna í Skemmunni.

Bókasafn Menntavísindasviðs veitir aðgang að upplýsingum og þjónustu vegna kennslu, rannsókna og náms. Bókasafnið er sérfræðisafn á sviði kennslu, uppeldis, umönnunar og þjálfunar.

Ritver Menntavísindasviðs veitir ráðgjöf um fræðileg skrif. Nemendum standa m.a. til boða viðtalsfundir þar sem þeir hitta jafningjaráðgjafa og fá umfjöllun um verkefni sín.

Minningarsjóður Ásgeirs S. Björnssonar var stofnaður til minningar um Ásgeir sem var lektor í íslensku við Kennaraháskólann um árabil. Hann lést langt fyrir aldur fram árið 1989.

Markmið sjóðsins er að efla ritsmíð við Menntavísindasvið Háskóla Íslands með því að veita viðurkenningu fyrir framúrskarandi B.Ed.-, BS- og BA-verkefni á hvert.

Stjórn sjóðsins skipa: Halldóra Jónsdóttir verkefnisstjóri, Ingibjörg Harðardóttir lektor, Kristján Jóhann Jónsson dósent og Sigurður Konráðsson prófessor sem jafnframt er formaður stjórnar.