Verkefnavaka HÍ gegn frestunarpest og ritkvíða
Verkefnavaka gegn frestunarpest og ritkvíða verður haldin fimmtudaginn 24. mars kl. 18-22 í Þjóðarbókhlöðunni.
Í boði verður dagskrá fyrir alla nema Háskóla Íslands sem eru með verkefni í smíðum, smá eða stór, námskeiðsverkefni eða lokaverkefni. Á Verkefnavökunni gefst gott tækifæri til þess að vinna í verkefnum eina kvöldstund í góðum félagsskap.
Styrkjandi leiðsögn sérfræðinga um allt það sem viðkemur verkefnaskrifum.
- Ritver – aðstoð við fræðileg skrif
- Náms- og starfsráðgjöf – hagnýt ráð varðandi skipulag og fleira tengt verkefnavinnu og vellíðan
- Bókasöfn Háskóla Íslands – aðstoð og leiðbeiningar við heimildaleit og fleira
Hættu að blaðra og skrifaðu! – Vinnustofa þar sem setið er við skrif í þögn í 40 mínútur í senn
EndNote aðstoð – Vinnustofa fyrir þá sem eru að nota heimildaskráningarforritið EndNote og eru í einhverjum vandræðum
Leiðbeiningar um skil í Skemmuna – Farið í gegnum ferlið, yfirlýsinguna um meðferð lokaverkefna og fleira
Dagskrá vökunnar er að vinna í leiðarvísi hennar á vefnum leiðarvísar.is.
Markmið verkefnavökunnar eru:
- að gefa nemum færi á að vinna að verkefnum sínum utan hefðbundins vinnutíma eina kvöldstund og fá aðstoð og hvatningu frá jafningjum, kennurum eða öðrum starfsmönnum Háskólans
- að vekja athygli á þeim mikla vanda í háskólum heimsins að fjöldi stúdenta kvíðir því að skrifa og margir hverfa frá námi þegar lokaverkefnið eitt er eftir
- að vekja athygli á að unnt er að aðstoða höfunda á öllum stigum ritunarferlisins og hjálpa þeim að komast af stað sem frestað hafa verkefnum of lengi
Fyrirmynd að verkefnavöku er sótt til ritvera í Þýskalandi sem héldu fyrstu vökuna 2010 undir nafninu Lange Nacht der aufgeschobenen Hausarbeiten. Verkefnið hefur breiðst út til háskóla austan hafs og vestan og er á ensku kallað Long Night against Procrastination.
Að verkefnavökunni standa Ritver og Náms- og starfsráðgjöf Háskóla Íslands, bókasafn Menntavísindasviðs, Landsbókasafn Íslands – Háskólabókasafn og Heilbrigðisvísindabókasafn LSH og HÍ.
Öll velkomin
