Leikskólakennaranám er fimm ára fræðilegt og starfstengt nám, sem skiptist í 180 eininga bakkalárnám og 120 eininga meistaranám sem veitir leyfisbréf kennari.Leikskólakennaranámið byggir á þeim kröfum sem gerðar eru í lögum nr. 95/2019 og reglugerð 1355/2022. Unnt er að taka samfellt fimm ára kennaranám eða ljúka fyrst bakkalárprófi (BA- eða BS-próf) á námssviði eða greinasviðum leikskóla og bæta svo við sig meistaranámi sem veitir leyfisbréf til að nota starfsheitið kennari. Að loknu námi telst viðkomandi uppfylla skilyrði yfir almenna og sérhæfða hæfni kennara á leikskólastigi. Hæfni og inntaka inn í kennaranám Rétt til að nota starfsheitið kennari og starfa sem slíkur hér á landi við leik-, grunn- eða framhaldsskóla hefur sá einn sem til þess hefur leyfisbréf. Inntak og inntökuskilyrði inn í kennaranám eru byggð á þeim kröfum sem gerðar eru í lögum nr. 95/2019 og reglugerð nr. 1355/2022. Við inntöku í kennaranám er horft til þess að viðkomandi teljist að námi loknu uppfylla skilyrði yfir almenna og sérhæfða hæfni kennara. Ef ljóst er að umsækjandi í meistaranám til leyfisbréfs muni ekki uppfylla skilyrði fyrir sérhæfða hæfni kennara að loknu námi, verður þeim gert að bæta við sig námskeiðum úr grunnnámi til að tryggja að lágmarksfjöldi eininga í sérhæfingu sé uppfylltur. Almenn hæfni Almenn hæfni kennara tekur til sjö hæfniþátta, sbr. 4. gr. laga nr. 95/2019 sem flokkast í eftirfarandi meginsvið: 1. Uppeldis- og kennslufræði 2. Nám og kennslu 3. Samvinnu, samskipti og starfsþróun 4. Íslenskt mál Hæfniþættirnir taka mið af lögum og aðalnámskrám fyrir hvert skólastig. Til að ná almennri hæfni þarf að ljúka að lágmarki 60 ECTS-einingar í uppeldis- og kennslufræðigreinum. Verklegur þáttur í almennri hæfni skal að lágmarki fela í sér 10 ECTS-einingar. Sérhæfð hæfni Sérhæfð hæfni tekur mið af aldri og þroska nemenda, faggrein, námssviði, greinasviði, starfsmenntun eða öðrum þáttum sem tengjast námi og kennslu, námsumhverfi og skólastarfi. Sérhæfing á leikskólastigi Auk almennra hæfni kennara þurfa kennarar með sérhæfingu á leikskólastigi að hafa lokið að minnsta kosti 90 ECTS-einingar í að lágmarki einu námssviði aðalnámskrár leikskóla. Sérhæfð hæfni grunnskólakennara Auk almennra hæfni kennara þurfa kennarar með sérhæfingu á grunnskólastigi að hafa lokið að minnsta kosti 90 ECTS-einingar í að að lágmarki einu greinasviði aðalnámskrár grunnskóla. Af þeim 90 ECTS-einingum, sem telst til sérhæfingar, skal vera að lágmarki 60 ECTS-einingar í viðkomandi greinasviði/námsgrein og auk að lágmarki 30 ECTS-einingar í kennslufræði viðkomandi greinasviðs/námsgreinar. Sérhæfing á framhaldsskólastigi Auk almennra hæfni kennara þurfa kennarar með sérhæfingu í námsgrein á framhaldsskólastigi að hafa lokið að minnsta kosti 120 ECTS-einingum í að lágmarki einni námsgrein kennd í framhaldsskóla. Sérhæfing í löggiltri starfsgrein Auk almennra hæfni þurfa kennarar með sérhæfingu í löggiltri starfsgrein á framhaldsskólastigi eða í verkgrein á grunnskólastigi þarf að hafa lokið starfsréttindaprófi á 3.–4. hæfniþrepi samkvæmt aðalnámskrá framhaldsskóla. Sérhæfing þvert á skólastig Kennarar með sérhæfingu í viðfangsefnum skólastarfs þvert á skólastig þurfa að hafa lokið að lágmarki 90 ECTS-einingum í viðkomandi sérhæfingu. Hæfni kennara í íslensku: Við brautskráningu úr kennaranámi við íslenska háskóla skal kennari búa yfir hæfni í íslensku sem samsvarar að lágmarki C1 í Evrópska tungumálarammanum. Grunnnám (3 ár) Meistaranám til leyfisbréf (2 ár) fimm ára fræðilegt og starfstengt nám Leikskólakennarafræði B.Ed. Leikskólakennarafræði M.Ed. Leikskólakennarafræði MT Menntun allra og sérkennslufræði M.Ed Að loknu BA-/BS-Gráðu Bakkalárgráða á námssviðum leikskólans samkvæmt aðalnámskrá leikskóla, eða á sviði uppeldis eða menntunar. Menntunarfræði leikskóla, að loknu BA/BS prófi (M.Ed., 120e) Menntunarfræði leikskóla, að loknu BA/BS prófi (MT, 120 Tengt efni Hvernig verð ég grunnskólakennari? Hvernig verð ég framhaldsskólakennari? Hvernig verð ég íþróttakennari? facebooklinkedintwitter
