Nýskipað háskólaráð tekur til starfa

Fulltrúar í nýskipuðu háskólaráði Háskóla Íslands til næstu tveggja ára hittust á sínum fyrsta fundi fimmtudaginn 8. september. Í ráðinu eiga sæti, auk rektors, fulltrúar háskólasamfélagsins, stúdenta, háskóla-, iðnaðar- og nýsköpunarráðherra og atvinnulífs en þeir síðastnefndu eru tilnefndir af háskólaráði. 

Háskólaráð er þannig skipað frá 1. júlí 2022 til 30. júní 2024:

• Jón Atli Benediktsson, prófessor í rafmagns- og tölvuverkfræði og rektor Háskóla Íslands, forseti ráðsins
• Arnar Þór Másson, ráðgjafi og stjórnarformaður Marel hf., fulltrúi tilnefndur af háskólaráði
• Brynhildur Kristín Ásgeirsdóttir, læknanemi, fulltrúi kjörinn af heildarsamtökum stúdenta
• Davíð Þorláksson, lögfræðingur og MBA, framkvæmdastjóri Betri samgangna, fulltrúi tilnefndur af háskóla-, iðnaðar- og nýsköpunarráðherra
• Hólmfríður Garðarsdóttir, prófessor við Mála- og menningardeild á Hugvísindasviði, fulltrúi háskólasamfélagsins
• Katrín Atladóttir, verkfræðingur og vörustjóri hjá Dohop, fulltrúi tilnefndur af háskóla-, iðnaðar- og nýsköpunarráðherra
• Katrín Björk Kristjánsdóttir, félagsráðgjafarnemi, fulltrúi kjörinn af heildarsamtökum stúdenta
• Ólafur Pétur Pálsson, prófessor við Iðnaðarverkfræði-, vélaverkfræði- og tölvunarfræðideild á Verkfræði- og náttúruvísindasviði, fulltrúi háskólasamfélagsins
• Silja Bára R. Ómarsdóttir, prófessor við Stjórnmálafræðideild á Félagsvísindasviði, fulltrúi háskólasamfélagsins
• Vilborg Einarsdóttir, framkvæmdastjóri Bravo Earth, fulltrúi tilnefndur af háskólaráði
• Þorvaldur Ingvarsson, bæklunarskurðlæknir og sjálfstætt starfandi sérfræðingur, fulltrúi tilnefndur af háskólaráði

Varamenn:

• Aðalheiður Jóhannsdóttir, prófessor við Lagadeild á Félagsvísindasvði, varamaður fyrir Silju Báru R. Ómarsdóttur
• Arna Hauksdóttir, dósent við Læknadeild á Heilbrigðisvísindasviði og Miðstöð í lýðheilsuvísindum, varamaður fyrir Hólmfríði Garðarsdóttur
• Daníel Þór Ólason, prófessor við Sálfræðideild á Heilbrigðisvísindasviði, varamaður fyrir Ólaf Pétur Pálsson
• Guðvarður Már Gunnlaugsson, rannsóknarprófessor við Stofnun Árna Magnússonar í íslenskum fræðum, varamaður fyrir Arnar Þór Másson, Vilborgu Einarsdóttur og Þorvald Ingvarsson
• Ingvar Þóroddsson verkfræðinemi, varamaður fyrir Katrínu Björk Kristjánsdóttur
• •Nanna Elísa Snædal Jakobsdóttir, viðskiptastjóri á hugverkasviði hjá Samtökum iðnaðarins, varamaður fyrir Davíð Þorláksson
• Rebekka Karlsdóttir, forseti Stúdentaráðs Háskóla Íslands, varamaður fyrir Brynhildi Kristínu Ásgeirsdóttur
• Sigurður Tómasson, hagfræðingur, varamaður fyrir Katrínu Atladóttur

Háskólaráð fundar alla jafna einu sinni í mánuði og má nálgast fundargerðir ráðsins á vef Háskóla Íslands.